Latest News

Hna lak sut lehna High Court in a hnawl sak

Mizoram Legislative Assembly Secretariat-in thawktu tur mi 11 an lakna sut leh a nihna chu Gauhati High Court, Aizawl Bench-in a hnawl. 

Assembly Secretariat-a thawktu 11 lak tawh sut leh a nih chungchangah hian hna hmutu zinga mi pathum Lalramliani Sailo (Bethlehem Veng, Aizawl); Melissa Lalremruati (Kulikawn Aizawl) leh Samuel Lalremruata Zote (Chanmari, Aizawl) te chu Gauhati High Court Aizawl Bench-ah an zualko a. Hemi chungchang hi Gauhati High Court Aizawl Bench Judge, Justice Nelson Sailo chuan ngaihtuahin nimin khan thutlukna a siam a ni.

Gauhati High Court Aizawl Bench chuan, thubuai thehluttute leh lehkha pawimawh hrang hrang awmte a zirchianna atangin Assembly Secretariat hnuaia hnalakna ah khan dan ang taka Advertisement chhuah a nih bakah The Mizoram Legislative Assembly Secretariat (Recruitment and Conditions of Service) Rules, 1995 ang thlapa hnalak hi kalpui a ni, a ti a. Hetiang hi thil awm dan a nih avangin hna lak tawh sa sut leh chu thil dik ni-a a lan loh avangin Court chuan, Assembly Secretariat-in dan ang thlap a hna a lo pek tawh te chu an hna thawk chhunzawm leh turin thutlukna a siam a ni.

Comments

Popular News (Last 30 Days)