Anemia Mukt Bharat (AMB) Strategy zirhona nei

Thisen tlachham natna, Anemia umbona tura zirtirtu turte zirtirna, State Level Reorientation Workshop for District Trainers on Anemia Mukt Bharat (AMB) Strategy chu nimin khan Aizawl-ah neih a ni a, he hun hi National Health Mission-a Mission Director Dr. Eric Zomawia chuan a hmanpui a ni.

He Workshop -ah hian AMB atana Department chanvo pawimawh tak nei pathum- Health & Family Welfare, School Education leh Women & Child Development atangin thawktute telin, Anemia Mukt Bharat (AMB) Strategy hnuaia Central sawrkar hmalakna lian ber chu naupang, tleirawl/rawlthar leh nu te, thisen tlakchham natna (Anemia) laka an fihlim theihnan Public Health Facility, Anganwadi Center leh Govt. Aided School kaltlanga Iron & Folic Acid (IFA) damdawi a thlawna sem a ni a. AMB Strategy hi National Health Mission, Mizoram hnuaia peng pakhat niin, Ministry of Health & Family Welfare bultumin kum 2018 atang khan India ram pum huap a kalpui tan a ni. Mizoram-ah chuan COVID-19 hripui leng karah kum 2021 March thla khan hawn a ni.