Chhingchhip VC te chhui nawn turin hriattir

Special Judge (Prevention of Corruption) chuan, Chhingchhip Village Council-ten ni 100 inhlawhna pawisa an hman dan chhungchanga thil fel lo awma puhna Anti-Corruption Bureau (ACB) in a chhuina tih tawpna dilna (closurereport) an thehluh chu a hnawl sak a, chhui nawn leh (re-investigate) turin Lokayukta leh ACB-te a hriattir.

He case-ah hian Serchhip District chhunga awm Chhingchhip Village Council hmasaten MNREGS atanga mipui thawhkhawm an dawn Rs. 7,06,400/- a nih laiin Village Council thar hnenah Rs. 2,01,559/- chauh an hlan a, a bak an sum hmanna leh an hnathawh hi a inmil lo nasa hle a sawiin, chhui fiah a nih theih nan Chhingchhip Village Council President thlan thar Lalnunmawia chuan FIR a thehlut a ni. Chhingchhip VC te sum hman dan hi Preliminary Enquiry-ah thil dik lo awm ngei a lan avangin Special Court chuan Anticipatory Bail an dilna pawh a lo hnawl sak tawh a. Case IO chuan he thubuai hi ngun takin a chhui a, mahse thubuai an siam sakna chhan tling hmu lova ngaiin Court-ah case tihtawp dilna (closure report) a thehlut a, mahse Court chuan thil dik lo awm ngeia a lan si avangin chhui nawn leh tha a tih avangin hetiang hian Order a siam ta a ni.

Hetihlai hian Serchhip District a mi bawk. North Vanlaiphai Village Council-ten College Fund a tana mipui sum thawhkhawm (MGNREGS) an dah hman dik lo nia sawi chungchang chhuina thubuai (ACB PS Case No. 5/2022 dt. 05-07-2022 U/s 11/13(2) PC Act) atanga Case IO in Closure report a thehluh chu a pawm sak thung a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar