Champhai DTO Office building thar hawn a ni

Cheng nuai 262 senga sak Champhai District Transport Office Building thar chu nimin khan Transport Minister TJ. Lalnuntluanga chuan a hawng.

Champhai DTO Office Building thar hawnna hunah hian Minister chuan Transport Department chu mipui hne hnai tak Department a nih angin hmunhma tha tak neih a ngai tih a sawi a, building thar sak phal saktu Chief Minister Zoramthanga chungah lawmthu a sawi bawk.

Nimin-a hawn tak Champhai District Transport Office Building thar hi cheng nuai 262 senga sak niin kum 2022 July thla khan hna thawh tan a ni a, kum 2024 January thla a sak zawh hman tur ni mahse huntiam thlen hma thla 3 vel ah sak zawh a ni a. Building sak hna hi HS Lalfakzuala chuan thawkin building hi Mizopa chhiara chhawng hnih a ni. Nimin a a hawnna hun hi Health & Family Welfare Board Vice Chairman Dr. ZR. Thiamsanga MLA chuan khual zahawm niin a telpui bawk a ni.