Building sak belh hawng

Higher & Technical Education changtu Minister Dr. R. Lalthangliana chuan nimin khan RUSA sum cheng nuai 150 senga Govt. Aizawl North College ah College Building awmsa chunga building chhawng hnih sak belh chu a hawng a, RUSA sum hmanga College building sak zawh hian Aizawl North College zirlai te mamawhna, a bik takin Classroom an indaihlohna engemaw chen a phuhruk a beisei thu a sawi a. Khawpui pawn lam deuha a theih anga anga College hmun hma sawnchhuah leh dah chu thil tul tak anih avangin hemi kawngah Sawrkar chuan a theih angin anga hma te la in, a enzui reng tih a sawi bawk. Nimin-a hawn tak Building hi chhawng 5-na leh chhawng 6-na niin Classroom bakah College mamawh Room dang te dan a ni bawk.