Zohnahthlak tanpuina atan cheng nuai thum hlan dawn
Serchhip Sub-Hqrs. YMA hian Inrinni khan Serchhip Sub-Hqrs. YMA Conference Hall-ah Executive Committee thut-khawm neiin Serchhip Town chhunga Branch hrang hrang ten Manipur tualchhung buaina avanga harsatna tawkte tanpuina tur mipuite hnena an khawn atangin Rs. 4,00,530/- hmuh a nih tawh thu leh Chhingchhip atangin mimal pakhat atangin Rs. 5000/- an dawn bawk thu an tarlang a. Heng an sum hmuh atang hian Manipur-a Zohnah-thlak te tan Manipur YMA hnenah Rs. 3,00,000 hlan nise an ti a, a bak sum la awm zawng hi an Sub-Hqrs. YMA huamchhunga raltlan awm mek zinga tanpui ngai an dawn te atangin tanpui an ngaih dan dinhmun zirchianga tanpui nise an ti bawk a ni.
Tun tuma SEC thukhawm hian kumin a YMA Inkhawmpui lian neih tura Agenda tura rawt te thlirin heng atang hian Agenda pathum thehluh nise an ti a, YMA Kumpuan atan ‘Ruih-hlo Do’ tih rawt nise tiin kumin a Central YMA hruaitu thlanna neih turah Serchhip Sub-Hqrs. YMA chuan Nomination siam loh mai nise an ti bawk.
Tun tuma SEC thukhawm hian tunhnaia Hmeichhe naupang kum tlinglo kut inthlana Video thehdarh chungchang leh Bungtlang khuaa hmeichhe pakhat pawngsual chungchang te pawh thlirin, an hmalakna te pawh tarlan a ni bawk.
Comments
Post a Comment