Zirtirtute ni hman dan tur rel

School Education Minister Lalchhandama Ralte hovin nimin khan a Pisa-ah kumin September 5-a Zirtirtute ni, Teachers Day hman dan tur rel a ni a, Teachers Day lawmna hi School tinin tha leh remchang an tih angin hman ni se, District tinah Deputy Commissioner hovin an hman dan tur lo ruahman se an ti bawk. Zirtirtute Ni pual hian kumtin-a lo tih thin angin Zirtirtu damlo leh natna khirhkhan tuar te chhawmdawlna atan NFTW Fund tur khawn leh nise tih a ni a, Thla 12 kalta chhung khan Zirtirtu damlo mi 123 te hnenah chhawm-dawlna sum pek an ni. Zirtirtute ni pual hian Zirtirtute pawimawhna leh hlutna inhrilhhriat nan Talk Show te buatsaih tum a ni bawk.