Zirlai te harsatna chingfel

Central Agriculture University, Imphal-a Vice Chancellor Dr. Anupam Mishra chuan nizan khan Aizawl-a Raj Bhavan-ah Mizoram Governor Dr. Hari Babu Kambhampati hmuin CAU, Imphal-a Mizoram atanga lehkha zir mek te harsatna tawh chu chinfel a nih thu a hrilh a. Dr. Anupam Mishra chuan Mizoram atanga CAU, Imphal-a zirlai te chu Imphal-ah an chhuk ngai lovin College of Veterinary Science, Selesih-ah exam an pe thei dawn a. Admission atana documents te pawh Aizawl-ah an thehluh theih dawn bakah Class pawh online in an kal thei dawn bawk a ni. Hemi chungchang hi tunhnai khan MSU chuan Governor hnenah thlenin Governor hian hma a la zui nghal a ni.