Union Minister-ah thlen

Mizoram sawrkar-a Law & Judicial Minister TJ. Lalnuntluanga chuan Zirtawpni khan Union Minister of State for Law and Justice Arjun Ram Meghwal chu New Delhi-ah kawmin Mizoram mamawh tul hrang hrang a thlen a. Mizoram chhunga Court infrastructure tih changtlung dan tur chungchang sawipuiin, Mizoram in litigation lama hmasawnna nasa tak a neih thu leh Court chang-tlung tha kan mamawh thu hrilhin, Fund awm ang angte pawh Court tihchangtlun kawnga State-in bul a tan lai a nih avangin pek tam deuh a mamawh thu a hrilh bawk. Union Law and Justice Minister hi Lunglei leh District thar pathum tana Court Building sak thuai a nih theih nan Fund pechhuak thuai turin a ngen bakah Champhai Judicial District Court building sak tur, Guwahati High Court pawhin Court building drawing a pawmpui vek tawh chu sak tan vat a nih theih nan CSS for Development of Infrastructure Facilities for the Judiciary hnuaia Fund pechhuak thuai turin a ngen bawk a. Union Minister chuan heng thil thlente hi a ranglama lo tihfel a tum tur thu a hrilh a ni.