Union HM hovin inbe dawn

Manipur-a Indigenous Tribal Leaders' Forum (ITLF) hruaitute chuan Manipur-a buaina thleng chungchangah Mizoram Chief Minister Zoramthanga thurawn angin Vawiin hian Union Home Minister Amit Shah chu New Delhi-ah an hmu dawn a, Inrinni khan Union Home Minister Amit Shah chuan Manipur-a Indigenous Tribal Leaders' Forum (ITLF) hruaitute chu Delhi-ah inbiakna neihpui a duh thu hriattirin, ITLF hruai-tute pawh an thukhawm nghal a, Mizoram Chief Minister Zoramthanga thurawn an lak hnuah Vawiin, August ni 7 (Thawhtanni) hian Union Home Minister chu inbiakna neihpui an remti ta a ni. Chief Minister chuan Manipur-a Zofa Hnam Hruaitute chu Union Home Minister meuh sawmna a nih avangin a sawmna anga hmaichhanah ngei engkim sawipuina hun tha a nih tur thu a hrilh thu sawiin, inbiakna tha tak an neih a beisei tih a sawi bawk.