Thuneitu ten hma la zui zel

/

Tunhnaia Hmeichhe naupang kut inthlakna Video darh chungchangah thuneitute chuan chak takin hma an la mek.
 He Video darh chungchang ah hian thuneitute chuan tih tur tul ang ang te an buaipui mek tih LENKAWL hrilhin, Juvenille Justice Board (JJB) chuan kutthlaktu hi Observation Home-ah dah rih tur leh Counselling pek tura an tih phawt thu sawiin, la ngaihtuah zui zel tur a ni tih an sawi a. Kut tuartu naupang pawh Child Welfare Committee (CWC) in ruahmanna an siam angin enkawlna pek a nih bakah Counseling pek a nih thu an sawi bawk. He Video darh a tel ve nia hriat mi 6 te pawh thuneitute chuan nimin lam khan an kokhawm nia thudawn a ni a, heng mite hi thu zawhfiah niin a tul anga hmalak chhunzawm zel tur a ni bawk ang.

District Child Protection Unit (DCPU) a thawktute chuan he Video chungchangah hian Dan hnuaiah thawktu hrang hrang ten chak taka hma an lak mek thu sawiin, tlawmngai pawl-a hruaitute nen pawh thawhhona tha tak neia hma an lak thu an sawi bawk.

Comments

Post a Comment

Popular News (Last 30 Days)

Vawiin-ah HSLC result

/
Image
Mizoram Board of School Education (MB-SE) chuan kum 2024 HSLC Exam Result chu Vawiin hian a tichhuak dawn ta a, Vawiin chhun dar 12:00 hian HSLC Exam result hi tarchhuah tur niin anmahni (MBSE) pisa, Chaltlang, Aizawl-ah leh internet kaltlangin www.mbse.edu.in leh www.mbseonline.com ah te en theih a nih dawn bakah a mamawh tan result bu a lei theih dawn a. Office hun chhungin WhatsApp leh phone call hmangin Ph. No.  9863883041 leh 9863722521 te biak theih a ni dawn bawk a ni.
Kimchang zawkin »

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »