Lungkawlh khua ah Sial enkawl dan zirho a ni

Lungkawlh khuaa Sial vulhtute tan nimin khan Sial enkawl dan leh damdawi pek dan tur zirhona chu Agricultural Technology Management Agency (ATMA) Serchhip District buatsaihin Lungkawlh khua ah neih a ni.

He zirhona hun hi ATMA Block Technology Manager C. Lalremruata chuan kaihruaiin ATMA kalphung leh an hmalakna te a tarlang a, hemi hnu hian Resource Person Dr. MS. Dawngliana Veterinary Officer, N. Vanlaiphai AH&Vety Department chuan he huna kalkhawmte hi Sial enkawl dan leh natna laka venhim dan zirtirin, Damdawi chi hrang hrang hman dan te a sawifiah a, damdawi pawh sem nghal a ni bawk.

Khawchhung-a training neih zawh a nih hnu hian Sial vulhna hmunah kalin inzirtirna neih chhunzawm leh a ni a, he hunah hian Sial vulhtu thahnem tak telin zawhna leh chhanna hun hman nghal a ni bawk.

Comments

Popular News (Last 30 Days)

Vawiin-ah HSSLC Exam result