TCZP te hun hman Home Minister in a hanpui

/

Tuichangral Zirlai Pawl (TCZP) chuan Inrinni khan Aijal Club-ah Zirlai thar te lawmna leh zirlai tithate lawmpuina hun hmangin Home Minister Lalchamliana chuan khuallian niin a hmanpui a ni.

Zirlai kalkhawmte hmaah Home Minister chuan mihring nunphung-ah puitlin huna khawsak hrehawm lo leh lungkhawm lian tak nei lova awm chu kan duh deuh ber tih sawiin, Vawiin-a thalaite pawh an puitlin huna an awm dan tur te, nih duh leh nih chak an neihte hlawhtlinna chu an Vawiin hun hman danah a innghah thu a sawi a, hlawhtling tur chuan taihmakna a pawimawh hmasak ber thu a sawi bawk. Home Minister chuan thalaite chu ram hma-chhuan an nih thu sawiin, Mizoram a intodelh nan leh State thawhchhuah a tam zawk nan a chhunga cheng te chuan hma kan lak nasat a tul thu a sawi bawk.

Tuichangral Zirlai Pawl (TCZP) buatsaih he hunah hian UPSC Prelims leh MPSC Prelims paltlang mi pali hnenah lawmpuina hlan an nih bakah an bial chhung ami zinga State Teacher Awardee 2023 hnena lawmpuina an hlan a, HSLC leh HSSLC bakah UG leh a tlukpui exam-a Tuichangral atanga zirlai hlawhtling te lawmpuina hlan an ni bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »