State chhunga buh thar te lei tura hmalak duh

Kumin-a Buh seng hun lo thleng mai turah ‘Rorelna Dik Duhtute’ chuan State chhung buh tharte sawrkarin a lei ngei theih nan hmalak nise an duh tih an sawi.

Rorelna Dik Duhtute inti pawl hian nimin khan Aizawl Press Club-ah thuthar thehdathtute kawmin State chhung buh thar te sawrkar in a lei ngei theih nan hmalak nise an duh thu hi an sawi a. Hemi chungchangah hian Chief Minister Zoramthanga chuan nikum (2022) kum tantir lam khan decentralised procurement scheme kalpui a duh thu File lamah a lo ziak tawh nia sawiin, niimahsela a puitlin theih tak tak loh avangin a reh zui leh ta mai tih an sawi a. Kumin ah Mizoram Rajya Sabha MP K. Vanlalvena chuan Government of India (Gol)-ah thlenin Mizoram-a loneitu te hamthatna leh hlawkna a lo awm theih nan te, Mipui pawhin Buhfai thar zawk an ei beiseiin hma a la a, chu hmalakna ang chuan State sawrkar hnenah Central Sawrkar nena MoU ziak a, Buhhum te State chhunga mi lo leí a, Minimum Support Price (MSP) hman lai anga anmahni ah an Allotment hmuh ang chu a man hmuhlet theih turin kumin April 12 khan lehkha a rawn thawn tih an sawi a. Beiseina sang tak nei a an thlir lai leh an nghah laiin hei hi a kal hleithei meuh lo nia sawiin, kumin Buh seng hun a lo thleng mai dawn bawk si nen, pelhsawlh lo tura hma a lak ngei an duh thu an sawi a ni.

Buhfai Supply thu hi ngun takin an theih tawkin an zir kual tih sawi bawkin Rorelna Dik Duhtute chuan, Mizoram chu Buh-ah a intodelh thei tih an chiang a, chuvang chuan sawrkar hian central sawrkar lehkha ang hian kalpui thuai se an ti tih an sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man