Serchhip District-a Zirtirtute ni hman dan tur rel

Thla thar September 5-a Zirtirtute Ni (Teachers Day) Serchhip-a hman dan tur chu nimin khan Serchhip District Bawrhsap David Lalthantluanga hovin Serchhip DC Meeting Hall-ah ngaihtuah a ni.
India President hlui, Zirtirtu ropui Dr. S. Radhakrishnan-a pianchamphaphak September ni 5 hi ‘Teachers' Day’ atan hman niin India ram pumah kum tin lawm thin a ni a. Kumin ah pawh he ni hi ropui taka lawm leh ni se tiin State Level meeting chuan a rel a. Hemi bawhzui hian Serchhip District-a he ni hman dan tur hi nimin khan ngaihtuah niin Education Department kaih-hnawih sawrkar hotute bakah YMA Sub-Hqrs. Serchhip leh Zirtirtu Pawl hrang hrang aiawhte he hunah hian an tel a ni.

He Meeting hian kumdang-a lo hman tawh thin angin kumin hian zirna In hrang hrang ten anmahni remchan angin he ni hi hmang leh se an ti a, Mizoram Sawrkar School Education Minister Teachers' Day thuchah chu School tinah chhiar chhuah tur a nih bakah he ni puala District Bawrhsap in thuchah a siam chu Cable TV-ah tihchhuah leh tur a ni bawk ang. Kumin hian Serchhip District chhunga zirtirtu tha thlanchhuah mi pathum, Primary School, Middle School leh High School-ah mi pakhat theuh te hnenah lawm-puina sumfai leh Certificate chu Serchhip DEO Office-a function buatsaihah DC hian a hlan dawn bawk a ni.