Serchhip-a Home hrang hrangte thilpek hlan

Zonuna Kawlni /

Urban Development & Poverty Alleviation Department, Serchhip District chuan Serchhip District-a Shelter/Home hrang hrangte hnenah nimin khan Refurbishment Item an hlan.
 Heng bungrua hlanna hun hi Serchhip-a District Urban Development Officer (DUDO) Gaston Vanlalhriatpuia hovin nimin khan a Pisa-ah neih a ni a, DUDO chuan Refurbishment Item te hi Deendayal Antyodaya Yojana-National Urban Livelihoods Mission (DAY-NULM) Scheme hnuaia Shelter for Urban Homeless (SUH) component atanga pek a nih thu a sawi a ni. He hunah hian Serchhip District UD&PA Department-a District Manager Lawmzuali chuan Home leh Shelter hrang hranga thilpek an semchhuah turte tarlangin, DUDO hian a hlan nghal a ni.


Nimin-a thilpek hlan te hi ZOAR Urban Deprived Childrens Home leh Unity Orphanage Home tan Geyser (25 ltrs), Water Cooler (40 ltrs) leh Fire Extinguisher (4kg) ve ve niin Observation Home-ah Geyser (25 ltrs), Washing Machine (10kg Semi Automatic) leh Water Cooler (40 ltrs) hlan an ni a. Shalom Special School leh Beiseina In (Old Age Home)-ah Reverse Osmosis (RO) Water Filter (9 ltrs) ve ve hlan an ni bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »