Latest News

Serchhip bialtu MLA in Serchhip leh Thenzawl a tlawh

Serchhip bialtu MLA Lalduhoma chuan zan khat riakin Serchhip a rawn tlawh a, nimin khan Thenzawl a tlawh nghal bawk.

Serchhip bialtu MLA Lalduhoma hian niminpiah khan Serchhip Auto Rickshaw Owners’ Association ten Silver Jubilee an lawmna hun chu a hmanpui a, zan lamah Serchhip Sailiam Veng-a an Party (ZPM) Unit thar dinna hun a hmanpui a, an party zawm thar mi 20 a lawmlut nghal tih ZPM Serchhip Block chuan thuchhuah siamin an tarlang. Bialtu MLA hian Govt. PCR High School leh Zoluti Memorial High School te tan Laptop Computer leh Printer a pe a. Govt. Chanmari Middle School pawh tlawh bawkin an harsatna te bialtu MLA hnenah hian an lo thlen bawk a. Serchhip Dinthar Veng-a damlohna avanga Ke-a kal thei lo hmeichhia pakhat tan Wheelchair a hlan bawk a ni.

Serchhip bialtu MLA hian nimin khan Then-zawl tlawhin Thenzawl Lahlum Association enkawl tur - Lahlum khawl (Winding Machine) pahnih leh Laban khawl (Wrapping drump) pakhat chu a hawng a. MLA Fund cheng nuai 2 senga lei heng khawl hawnna ah hian Bialtu MLA chuan Union Home Minister in October 2022-a Handloom Mobile App a hawn hnuah hemi hnuaiah NEH-HDC chuan Puantahtute hamthatna tur Scheme hrang hrang a siam tih a sawi a, anni nen tang tlangin Handloom Export Production Hub, Thenzawl a dah turin ruahmanna NEC-ah thehluh a nih tawh thu a sawi. Heng bakah hian hmalakna hrang hrang Buangpui-ah Puantahtute tana tangkai tur Lakhuihthei hnah sawngbawlna hmun din tura project siam anih thu te, Digitisation Scheme hnuaiah hmar-chhak atanga puantahtu singkhat thlan turah Ser-chhip District atangin mi 1000 thlan turah Thenzawl atangin mi 773 an in report tawh thu leh hmalakna dangte a tarlang bawk.

Thenzawl Lahlum Association-ah hian member 30 chuang an awm mek a , bialtu MLA hi chhim lamah a zin chhunzawm nghal dawn a ni.

Comments

Popular News (Last 30 Days)