Sawrkar hnathawk ten Badge dum an bel tan

Sawrkar thuchhuah dinglai anga Dearness Allowance hman phutin Mizoram sawrkar hnuaia hnathawk te chuan nimin atang khan an Badge dum an bel tan.

Mizoram Sawrkar hnathawk inzawmkhawm pawl, Federation of Mizoram Government Employee & Welfare (FMGE&W) bultumin Mizoram sawrkar hnuaia hnathawk te hian nimin khan Badge dum hi an bel tan a. An thilphut tihhlawhtlin nawr nana lungawi lohna an lantir chungchanga zawhna chhangin FMGEW hruaitute chuan, an thilphut chungchangah Finance Department atangin lehkha an dawng a, chutah chuan sawrkar sum dinhmun a that loh avanga lo hrethiam tur leh Badge dum bel an tum chu kaltlangpui lo tura ngenna a ni a. Hei hi ngun taka an ngaihtuah hnuah FMGEW chuan, tum engemaw zat an thilphut chungchangah sawrkar hotute an lo dawr tawh bakah Finance changtu Chief Minister pawh kumin March thla khan an lo sawipui tawh a, hemi tum hian July thlaah sawiho leh an duh thu Chief Minister hi an hrilh a, a ni pawhin tha a tih thu a hrilh chungin sawihona hun an nei thei ta lo a, an thilphut chu a hlawhtlin ngei theih nan hetiang hian hma an la ta tih an sawi. 

FMGEW hotute chuan, sawrkar thu-chhuah dinglai angin sawrkar-in DA pe ngei se an duh thu leh Vawiin-ah pawh Badge dum hi bel chhunzawm an tum thu an sawi a. Sawrkar atanga thu lawmawm an dawng lo a nih chuan karleh Thawhlehni-ah an kal zel dan tur an ngaihtuah dawn tih an sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar