Ramri-a Duty-na hmun te tih changtlun zel a ni

 Home Minister Lalchamliana chuan July 26, 2021-a Vairengte dai-a Mizoram Police leh Assam Police an inkah hnu khan Police silai keng awmna hmun Border Outpost nghet leh Police Duty Post nghet lo hmun tam takah dah a nih thu leh a panna kawngte pawh a remchan dan anga laih/siam a nih thu a sawi.

Home Minister chuan inkahna a awm hnu hian Assam leh Mizoram ramri buai chingfel turin inbiakna vawi engemaw zat buatsaih a nih thu sawiin, High-Level delegation (State 2 Minister te kaihhruaina hnuaiah) inbiakna tum 3 inbiak neih a nih thu leh Minister pahnih kaihhruaina in biakhmuhtheih hmangin vawi 3 inbiakna huaihawt a ni tih a sawi a. Guwahati-a inbiak tum 3-na a thuchhuah intawm an tihchhuah bawhzuiin, Mizoram Sawrkar, Home Department in February ni 13, 2023 hmangin Assam Sawrkar hnenah Mizoram in a a ram hauh chin leh ram hauh chin huamchhung a mihring cheng leh khaw chungchang thil hrang hrang sawifiah tura ngenna a thehlut tawh a ni, a ti bawk.

Ramri buai chungchanga hmalak zel dan tur ngaihtuahtu tur, Mizoram-a Political party leh pawl hrang hrang aiawh te telna Boundary Committee din niin siam danglamna tur hriattirna chu July ni 27, 2021 khan tihchhuah a ni bawk a. Boundary Committee hi tum 5 an thukhawm tawh bawk a ni.