Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

August 23 ‘National Space Day’ atan puang

Prime Minister Narendra Modi chuan Inrinni khan Beng-aluru-a ISRO Scientist-te kawmin Thla leilung-a Chandrayan-3 tum ni, August ni 23 chu ram pumah ‘National Space Day’ atan hman a nih tur thu a puang a, Thla leilunga Vikram Lander leh Rover Pragyan tumna hmun chu Shiva Shakti Point tia vuah anih tur thu leh Chandrayan-2 tum sualna hmun chu Tiranga Point tia vuah anih tur thu a puang bawk.

Prime Minister chuan August ni 23 chu Science thiamna leh Technology lama ramin hma a sawnna lawmna ni atan hman thin a ni ang tih sawiin, zirbing mite chu kan thlahtuten Arsi, Planet leh Van thengreng chanchin an lo zir dante khawvel hriata puang chhuak turin a ngen a, khawvel chu a mum ni lovin a sawl a ni tih hrechhuaktute pawh Arya Bhatta, Varahamihira leh Bhaskarcharya-te an nih thu pawh sawiin, Awk-in Ni leh Thla a lem hun turte pawh kan pi leh pute khan an sawi lawk vek thei a ni, a ti bawk.

Comments

Popular News (Last 30 Days)