Pawngsualtu a puh Jail-ah dah

Niminpiah chawhnu lama Bungtlang khuaa nu pakhat pawngsualtu a puh K. Rozuala, Ser-chhip P&E Veng chu nimin khan Serchhip District Jail-ah dahluh a ni.
Thudawn danin niminpiah chawhnu dar 3:00 vel khan Serchhip P&E Veng a cheng K. Rozuala hian Serchhip District chhung Bungtlang khuaa nu pakhat kum 63 mi chu an chenna In-ah a pawngsual a, hemi hmalam hian K. Rozuala hian he hmeichhe pasal hi bumin a tirchhuak a, hemi hlan hian a pawngsual ta nia thudawn a ni.

Vanduaina tawk he hmeichhia hi mahni inven nachang pawh hre lemlo leh mi pangngai phak chiah lo nia thudawn niin a pasal in midang pun-a an In atanga hnawtchhuak tura an kal chuan he thil thleng hi hmuin YMA te an pun hnuah Serchhip Police ten manin pawngsual thubuai siam sak a ni a, nimin khan District Jail-ah dahluh a ni.