Latest News

NH. 54 laih tura In la thiat lo te Eviction Notice pe ta

Serchhip District chhunga National Highway-54 kawng laih zauhna atana zangnadawmna la tawh, an In la thiat lo te chu niminpiah, August 23, 2023 khan Eviction Notice pe in an In te thiat nghal tura tih an ni.
Serchhip District Bawrhsap leh NH. 54 Widening & Upgradation Peoject a Serchhip District-a Competent Authority for Land Acquisition (CALA) David Lalthantluanga chuan heng In la thiat lo te hnenah hian Eviction Notice hi pein, Section 3E(1) of The National Highway Act, 1956 in a sawi angin CALA, Serchhip District chuan ram neitute chu ni 60 chhunga chhuak turin lehkha Memo. No. B. 17011/1/2018-DC SRCP(REV)/293 dt. 29.08.2019 hmangin thu a chhuah tawh thu leh Serchhip District chhunga NH-54, Aizawl-Tuipang kawng laih zauhna atana compensation la tawh te chu an In thiat turin July 8, 2023 leh July 7, 2023-ah te CALA chuan a lo chhuah nawn leh tawh tih a tarlang a.

Office Order lo chhuah tawh angin Magistrate leh Police te chuan a hmunah kalin an enfiah leh tawh thu leh enfiah a nih lai thlenga In la thiat lo te chu ni 10 (sawm) chhunga thiat tura hriattir nghal vek niin hemi chhung hian an thiat ngei em tih chu an khaw Village Council kaltlangin vil zui reng a nih thu a tarlang a. Hei mai bakah hian NH Branch te chuan Phone call in compensation latute chu an In an thiah leh thiah loh an ngaihven zui reng bawk tih sawiin, heti chunga sawrkar thupek zawm duhlo - In thiat duhlo leh chhuahsan duhlote chu Section 3E(2) of The National Highway Act, 1956 in thu neihna a pek angin CALA chuan hma a la dawn tih a hriattir a. He thupek hi an hmuh atang hian an In la thiah lo te chu thiat nghal tura hriattir an ni bawk.

Tun dinhmunah Eviction Notice pek tur hi mi 126 awm mekin hei hi ala danglam thei nia thudawn a ni a. He thupek zawm duh lo te chu Section 188 of Indian Penal Code hmangin thubuai siam sak an ni ang.

Comments

Popular News (Last 30 Days)