NE Level Silai inkahsiak ah Mizoram tan Gold 4 la

Pathianni-a zawhfel tak 10th North East Zone Shooting Championship-ah Mizoram aiawha kal  Saihmingthanga Sailo, Serchhip Ramthlun Veng chuan Categfory pali (4)-ah Mizoram tan Gold Medal a la.
Tun thla ni 17 atanga Shillong-a neih 10th North East Zone Shooting Championship hi Pathianni khan zawhfel niin Saihmingthanga Sailo S/o S. Thangthuama, Serchhip Ramthlun Veng hian 50m Peep Sight Rifle inkahsiakna ah Masters Category-ah Gold a la a, 50m Peep Sight Rifle-a Men Individual Category-ah Gold a la bawk. Heng bakah hian 50m Open Sight Rifle inkahsiak ah Masters Category leh Men Individual Category-ah Gold a la ve ve bawk.

10th North East Zone Shooting Championship-ah hian India hmarchhak-a State 6 bakah Assam Rifles leh Army atangin Marksmen Unit tel bawkin Silai kap thiam mi 200 chuang an tel a, Mizoram atanga kal, Mizoram Shooting Team te hian Gold 18 an lak bakah Silver 10 leh Bronze 12, a vaiin Medal 40 lain pahnihna an ni a, Mi-zoram atanga kal zingah Saihmingthanga Sialo hi Gold la tam ber niin Narayan Thapa chuan mimal in Gold pathum a la ve bawk a ni. Mizo-ram hian National Championship hmachhawn tei tur mi pathum a neih sa bakah tun tumah hian National Championship hmachhawn thei tur mi 8 a neih belh leh bawk a ni. He intihsiakna a Mizoram Team te hian nimin khan Mizoram an rawn pan a ni.