Mizoram-a Mau behchhan Industry te tichangtlunna tura hmalakna chungchang sawiho a ni

National Bamboo Missions in Asian Development Bank nena tangkawpa Mau behchhan Industry te nasa taka tihchangtlun leh thawhho tir a tumna (Bamboo Value Chain Development in Northeast) Mizorama kalpui dan tur sawihona chu nimin khan Chief Minister Zoramthanga hovin neih a ni.

National Bamboo Missions hian Asian Development Bank nena tangkawpin Northeast State panga- Mizoram, Tripura, Meghalaya, Assam leh Nagaland-a Mau behchhan Industry te nasa taka tihchangtlun leh thawhho tir tumin he hmalakna Mizoram-a kalpui dan tur hi nimin khan Chief Minister Zoramthanga hovin CM Conference Hall-ah sawiho a ni a. He hunah hian Commissioner & Secretary, Horticulture Department K. Lalthawmmawia chuan National Bamboo Missions in Asian Development Bank sum hmanga hmalak a tum dan tlangpui leh Mizoram chhunga hmalakna tura State Bamboo Missions te mawhphurhna turte, Department dang kaihhnawih awm thei ang chite leh thil pawimawh dangte a sawifiah a. Mizoram State bamboo Missions-a Missions Director leh Horticulture Director CH. Lalmuanpuia chuan hemi hmalakna atana ruahmanna an neih tawh chinte a sawifiah bawk.

He thutkhawm a tel te hian he hmalakna hi Mizoram in a tangkai thei ang bera a hman theih nan leh ram mipuiten hlawk taka an chhawr theih nan tuna Mau hmanga Industry kalpui mektute nena inrawnkhawmna neih leh phawt nise an ti a. Anni te nena hmalak ho theihte bakah hmalak theihna dang la awmte nen kimchang takin a rang lama Project thehluh nise an ti bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar