Minister in leimin vanga harsatna thleng enfiah

Rural Development changtu Minister Dr. R. Lalthangliana chuan Inrinni khan Aibawk Cluster huamchhung Sateek Wholesale Market-cum-Guest House chu tlawhin, tunhnai ruahsur avanga building bulthuta leimin in harsatna a thlente a enfiah. Sateek Wholesale Market-cum-Guest House hi Shyama Prasad Mukherji Rurban Mission (SPMRM) sum cheng nuai 350 senga sak niin, October ni 14, 2022 khan hawn a ni a. Zopa chhiara chawng li niin, Bazar bakah hian mikhual thlenna, lirthei dahna, Canteen, Quarters leh tul dangte a awm a ni. Tunhnaia ruahsur avang khan he building hi dinhmun hlauhthawnawm ah a awm a, Minister ho hian hmalak dan turte sawiho niin tuichhe paihna siam danglam, tuiput lo tura siam leh building leh a chhehvel tuihul taka siam chu hmalak hmasak tul a nih thu tarlan a ni a. Mipuite him zawk nan tun ruahtui tlak hun chhung hun engemawchen chu luah rih lova dah rih tura ruahman a ni.

Comments

Popular News (Last 30 Days)

LPG man bithliah thar