MHIP ten thuchhuah siam

MHIP Sub-Hqrs. Serchhip chuan tunhnaia hmeichhe naupang kum tlinglo kut inthlakna hmuh hrehawm tak, Social Media-a a darh chungchang ah hma an lak nghal thu Inrinni khan thuchhuah siamin an tarlang a. Naupang kum tlinglote pawi-khawihna chunga thuneitu leh mawhphurhna changtu- Special Juvenile Police Unit leh District Child Protection Unit ten chawplehchilhin hma an la nghal tih sawiin, lawmthu an sawi bawk. MHIP chuan he pawi khawihtu hmeichhe naupang hi kum tlinglo mah nise, a hmeichhiatpui hlau leh thlabara awm tih hriat ngawih ngawih lainatna nei hlek lova, diriam taka tawngkama a vau dan leh a nghaisak dan chu rawng an tiin an dem thu leh he thila inhnamhnawih te chungah an phu tawk hremna pe ngei turin thuneitute an phut thu sawiin, hetiang thil hi tunhnuah thleng leh tawh lo se an duh tih an sawi a. He thil thlenga kut tuartu chungah rorelna dik a thlen ngei theih nan a tawp thlengin a thlavang an hauh chhunzawm dawn tih an sawi bawk.

Comments

Post a Comment

Popular News (Last 30 Days)

Bawngchawm tlang khualbuk rawktu nia hriat mi 2 man