Lirthei tihpalh vangin boral

Chhiahtlang Venghlun-a cheng Zathanga (58) chu Inrinni kalta tlai thimhlim-ah khan Chhiahtlang-a 407 Truck pakhat in su palhin Serchhip damdawi In panpui a nih laiin a boral.

Chhiahtlang atanga thu kan dawn danin Inrinni kalta thlimhlim vel khan Chhiahtlang Sailam Veng-a Lalzarliana te 407 Truck inherrem tura hnung lama tawlh tur chuan a hnung lama lo awm Zathanga s/o Zasiami, Chhiahtlang Venghlun hi a su palh a, damdawi In panpui nghal ni mah se a hliam tuar lovin Inrinni zan dar 6:30 vel khan a boral a. A ruang hi lumen a nih hnuah nimin khan vuiliam a ni.

Thudawn danin Zathanga hi rilru lama mi pangngai phak chiah lo (Vohbik) niin Kawr ha lo-a khawlai-a teikual thin a ni a, Chhiahtlang ah chuan mi hriat hlawh tak leh ‘Chhiahtlang ti Chhiahtlang tu’ ti a an sawi zinga mi a ni a, uitu an tamin nimin-a a vuina ah pawh khawchhe hnuaiah mi an tam hle a ni.

He vanduaina thleng ah hian Zathanga nu, Zasiami te chuan Motor neitu Lalzarliana te hi Pathian hminga ngaidamin thubuai hlabuai-ah lak a ni lo niin kan thudawnna chuan a sawi bawk.


Kimchang zawka hre duh tan link-ah hian ngaihthlak theih e ni e

https://youtu.be/IbvynnXUP6Y

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result