Health Worker leh HWO ten Serchhip-ah training an nei

Serchhip District-a Health Worker leh Health & Welness Officer bakah Serchhip Main Centre hnuaia ASHA te tan nimin khan nausen hnute leh chawtha pek dan leh National De-Worming Day atana hriat tur pawimawh inzirtirna neih a ni.

Reproductive Child Health (RCH), National Health Mission Serchhip District buatsaiha Serchhip CMO Conference Hall-a Training-ah hian chawhma lamah Dr. Samuel-a DRCHO, Serchhip District chuan nausen leh naute chawtha pek dan a lem nen a zirtir a. Chawhnu lamah NHM-a District Programme Manager Deborah Vanlalchhuangi chuan National De-Worming Day hman chung-changah zirtirna pein Rulhut in kan taksa a nghawng a neih dan leh Rulhut hlo ei a pawimawh zia te a sawi a, naupang kum khat atanga 19 te hnena Rulhut hlo pek dan leh he hmalakna an kalpui dan turte a sawifiah bawk a ni.