Vawiin-ah a thlawnin Auto Rickshaw service dawn

Serchhip-a Auto Rickshaw neitute chuan an pawl kum 25 tlin lawmna atan Vawiin hian a mamawhte tan a thlawnin an service dawn tih an sawi.
Serchhip Auto Rickshaw Ownners Association (SAROA) te hian tun thla ni 28-a an kum 25 tlinna, Silver Jubilee pualin tukin dar 5:00 atanga Vawiin tlai dar 5:00 thleng hian Serchhip khawchhung, Sailiamkawn atanga Kikawn huam-chhungah Auto Rickshaw hmang duh apiangte tan a thlawn in an service dawn tih an sawi a, an Member te pawh phurh hreh leh tlan hrehna nei lo tura chahin, an pawl Motto, ‘Nang malsawmna ni ang che’ tih tihhlawhtlinna a nih thu an sawi bawk a. Auto Rickshaw a thlawna service hian Association member chhinchhiahna (Sticker) in bel te chuah a huam dawn thung a ni. 

SAROA te hian an pawl dinchampha lo thleng tur pual hian Vawiin vek hian Serchhip Blood Bank-ah a thlawnin thisen an pe dawn bawk a ni.