FMGE&W thilphut Chief Minister hovin sawiho

/

Mizoram sawrkar hnuaia hnathawkten dan dinglai anga Dearness Allowance (DA) lak an phut chungchang chu nimin khan Chief Minister Zoramthanga hovin FMGE&W hruaitu ten an sawiho.

Mizoram Sawrkar hnathawkten dan dinglai anga Dearness Allowance pek phut-a lungawi lohna an lantir chungchang hi nimin khan Chief Minister Zoramthanga chuan a Pisa-ah sawrkar hnathawk inzawmkhawm pawl, Federation of Mizoram Government Employees & Workers (FMGE&W) hruaitute a sawipui a. Thudawn danin he inkawmnaah hian Chief Minister chuan, tun dinhmunah sawrkar sum dinhmun a that loh avangin FMGE&W hruaitute chu lo hrethiam hram tur leh lungawi lohna an lantir mek chu titawp turin a ngen a. Chief Minister ngenna chungchang ah hian FMGEW hruaitute chuan, anmahni a thutlukna siam mai thei an nih loh thu leh Vawiin-ah an kal zel dan tur sawiho tura an inkohkhawm thu an sawi a, Vawiin-a an inrawnkhawmna ah hian Chief Minister ngenna chu an sawi ho tur thu an hrilh a ni.

Mizoram sawrkar hnuaia hnathawk te chuan dan dinglai anga Dearness Allowance pek phutin kar hmasa Ningani leh Zirtawpni khan an hnathawhna ah Badge dum an lo bel tawh a, sawrkar lam atanga thu lawmawm an dawn loh avangin Vawiin hian General Council Meeting chuan hmalak zel dan tur ngaihtuah an tum thu an lo sawi tawh a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »