CM hovin Health Care Scheme chungchang sawiho a ni

Mizoram State Health Care Scheme Governing Body thutkhawm vawi 27-na chu nimin khan Chief Minister Zoramthanga hovin neih a ni a, Asian Development Bank nena tangdun a Mizoram Health Care Scheme changtlung zawk kalpui thuai a nih theih nana thil pawimawh te sawiho a ni.

He thutkhawm CM Conference Hall-a neih ah hian Asian Development Bank lamin Mizoram State Health Care Scheme changtlung zawk kalpuina tura phalna an pek tawh; a taka tihlawhtling tura tih tur tlemazawng la awm te sawiho a ni a, ADB lamin duhdan an rawn neih, tuna Health Care Scheme kalpui mek dan atanga thlak hlek hlek ngaite chu thlak remtih an ni. He thawhdunna hnuaiah hian mi zawng zawng huap (Universal health Coverage) Health Care Scheme changtlung leh bill theih zat sang tak chu Cashless System hmanga kalpui tur a ni ang.

Hei bakah hian tun sawrkar kum kal mek a AB-PMJAY beneficiary thun belh ngai la awm te thun belh rem tih a ni a, AB-PMJAY hnuai veka sawrkar Hospital te Claim Revenue pawh sawrkar Hospital thuneitute remtihna angin tih danglam deuh a ni. Mizoram Health Care Scheme hnuaia Computer Engineer te chu an hming Informatics Officer tia thlak a ni bawk. Tun dinhmuna Health Care Scheme bill pek chhuah hmabak chung-chang pawh he thutkhawm ah hian sawi lan niin; heng bill pek hmabak te hi sawrkar sum dinhmun a zira a rang lama pekchhuah zel nise an ti a ni.

Comments

Popular News (Last 30 Days)

LPG man bithliah thar