'Zakapa Award' sem dan tur ruahmanna siam

Social Welfare & Tribal Affairs Minister Er. Lalrinawma hovin nimin khan 'Zakapa Award' Organising Committee chu thukhawmin kumin September thla chhungin he award hi sem turin ruahmanna an siam.

SAD Conference Hall-a he thutkhawm neih ah hian Er. Lalrinawma chuan hmeichhiate thlavang hauh a, theihtawp chhuahtu Khawhai Lal Zakapa chu chawimawi a phuin, a phu tawk chawimawina a dawnglo chu a pawi hle tih a sawi a. Hetianga amah hriatrengna leh chawimawina atana a hminga Award siam a ni thei tur chu lawmawm a tih thu sawiin, hei hian hmeichhiate chawikan leh an thlavang hauhna kawngah ko ri thui tak a tu ngei ang tih a beisei thu a sawi bawk.

Organising Committee chuan Zakapa Award buatsaihna atan hian Seminar neih leh zirlaite nena hun hman te, District tin Deputy Commissioner leh NGO-te nen thawhho dan turte sawiin, Zakapa Award dawngtu hi pawisafai Rs 100,000/- (nuai khat) leh thuziak pek tura ruahman nise, a dawngtu tur chu Mizoram khuaa cheng ngei, mipa emaw hmeichhia, mimal emaw pawl emaw pawh nise damlai ngei an ni tur a ni a. He Award hi kumin September thla chhunga sem tura ruahman a ni ang.

Comments

Popular News (Last 30 Days)

Vawiin-ah HSSLC Exam result

LPG man bithliah thar