Union Minister hnenah harsatna lo thlen

Mamit District-a Hachhek Bial Kuhva Chingtu Pawl (HBKCP) leh Taitesena Group YMA-te chuan kuhva hralh kawngah leh kuhva tam avanga harsatna an tawh chungchung Union Minister of State for Ministry of Agriculture and Farmer's Welfare Sobha Karandlaje hnenah an thlen. HBKCP leh Taitesena Group YMA aiawhin Vanlalruata Pachuau chuan Union Minister hi Lengpui Airport ah hmuin, Hachhek tlangdunga Kuhva tam hri chungchanga zirchianna nei tur leh he tlangdung Kuhva chinga eizawngtu te harsatna sukiang a tanpui turin ngenna hi a thlen a. Union Minister chuan ama awmna State, Karnataka ah pawh hetiang harsatna hi an lo tawrh nasat tawh thu lo hrilhin District Bawrhsap leh a kaih-hnawih Department te'n zirchiangin Ministry lamah report siam se, theihtawp lo chhuah pui a intiam tih alo hrilh bawk a ni.