UG Final Semester result tihchhuah a ni

Mizoram University chuan kumin-a Under Graduate Final Semester (VI Semester) result tichhuakin a pumpui-a zirlai exam 6767 atangin zirlai 5201 an pass a, za zela 76.86% in an pass a ni.
Nimin-a tichhuah tak UG Final Result-ah hian Regular leh Repeater lakkhawmin Bachelor of Arts (BA)-ah 5695 exam in 4308 an pass a, za zela 75.65 pass ang an ni a. Bachelor of Science (BSc)-ah zirlai 631 te exam in zirlai 504 an pass a, za zela 79.87 pass ang a ni bawk a. Bachelor of Commerce (BCom)-ah zirlai 405 ten exam in 365 in an pass a, za zela 90.12 pass ang niin Bachelor of Science (Home Science)-ah zirlai 36 in exam in 24 an pass a, za zela 66.67 pass ang an ni bawk. A pumpui-ah zirlai 6767 ten exam hmachhawnin 5201 in an pass a, za zela 76.86 pass ang niin zirlai pass thar zinga 4969 hi Regular an ni a, midang 232 hi Repeater an ni ve thung a ni.

Tun tumah hian Govt. Serchhip College pawh an titha thawkhat a, Bachelor of Arts-ah Regular-ah mi 100 exam in 63 in an pass a, za zela 63 pass ang niin Repeater exam mi 3 zingah pahnih in an pass bawk a, English-ah Lalhming-chhuanawmi chu Mizoram pumah 10-na a ni phak a ni. Bachelor of Science-ah Regular-ah mi 20 exam in 18 an pass a, za zela 90 pass ang niin Repeater-a exam mi pathum te zingah mi pahnih an pass bawk a ni.

Serchhip mi hmundang a lehkha zir zingah result tha tak tak nei awmin hriat theih chinah Mal-sawmtluanga Chhangte (Zion Veng) chu Chemistry-ah 4-na niin Cynthia Zomuanpuii (P&E Veng) chu Sociology-ah 4-na a ni bawk a. F. Malsawmzuali (Dinthar Veng) chu Biotechnology-ah, Lalvensanga (Hmar Veng) chu Geology-ah leh B. Vanlalpeki (IOC Veng) chu Mathematics-ah 6-na an ni a, P. Lalchhanhimi (Tuikhuah Veng) chu Statistic-ah 9-na niin an vai hian Pachhunga University College a zir te vek an ni.