Sports Minister in hawng

/

Sports Department changtu Minister Robert Romawia Royte chuan nimin khan Chuhvel khua ah Pradhan Mantri Jan Vikas Kaaryakram (PMJVK) Scheme atanga siam Volleyball Court a hawng a, Volleyball Court hi PMJVK Scheme 2020-2021 atanga sum hmuh cheng nuai 31.20 atanga siam niin za zela 90 chu sawrkar laipui atanga hmuh a ni a, zaa 10 chu State sawrkar in a tum a ni. Sports Minister hian nimin vek khan Sihthiang khua ah PMJVK Scheme atanga sum hmuh cheng nuai 102.59 hmanga siam Sports Centre chu a hawng bawk a. Sports Centre-ah hian Play Area, Basketball leh Futsal khelh theihna Court, RCC-a siam awmin Pavilion chhawng hnih bakah mi 50 vel thut theihna tur Gallery siam a ni bawk a, a hungna siam a nih bakah zan lama khelh theihna tur Light dah a ni bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »