Raltlan rawn lut pun belh

Manipur tualchhung buaina chhuak avanga sahimna zawnga Mizoram-a raltlan rawn lut pung zelin nimin khan Serchhip District-ah mi 6 an rawn luh belh leh a, heng mite hi Lamka atanga rawn lut, Thenzawl East-a rawn raltlan te an ni a, an zinga mi 3 te hi puitling niin midang 3 hi naupang an ni thung. Heti hian nimin thleng khan Manipur tualchhung buaina avanga Serchhip District-a raltlan rawn lut chu mi 67 an ni ta a, an zinga mi 3 te chu Aizawl lamah an insawn leh tawh a, mi 36 te chu Thenzawl-ah awmin Serchhip-ah 24 leh Khawlailung-ah mi 4 an a bawk a ni. Serchhip District-a raltlan rawn lut 67 zinga Serchhip District-a awm mi 64 zinga 51 te hi mi In luah niin midang 13 te hi chhungte fin an ni thung.