Polling Station sawn tura rawtna lut pawm a ni

Nimin khan Serchhip-ah District Level Standing Committee on Rationalization of Polling Station chu District Bawrhsap Nazuk Kumar IAS hova thukhawmin Serchhip District-a Polling Station siamrem leh Polling Station hmun sawn ngai chungchanga rawtna lut te an thlirho.
He thutkhawm Serchhip DC Meeting Hall-a neih ah hian Bawrhsap chuan District Level Standing Committee on Rationalization of Polling Station-ah hian Polling Station siam belh ngai te, Polling Station hmunhma sawn ngai leh mipui ten awlsam zawka Vote thlakna hmun an pan theihna tura siam-rem ngai te siamrem thin a nih thu a sawi a. Tun tumah hian 26-Serchhip (ST) AC huamchhunga 21-Serchhip-XI Polling Station atana hman lai, Little Flower Convent School (South Wing) chu Govt. Higher Secondary School building-a sawn tura rawtna a awm thu a sawi bawk a ni.


He thutkhawm ah hian he Polling Station-a BLO leh Political Party hrang hrang aiawh kalte chuan an ngaihdan te an sawi a, tunah hian LFCS Building pakhat ah Polling Station pahnih a awm avanga Vote thlak tura kal ten harsatna an neih thin dan te sawilan a ni bawk a. Serchhip Election Officer Lalrinsanga Hnamte chuan he Polling Station building sawnna tura an rawt Govt. Higher Secondary School hi enfiah a nih tawh thu sawiin, Building tha tak a nih bakah Wheelchair hmang duh te tan ramp siamsa a nih thu te, Polling Station atana mamawh hrang hrang a awm that thu leh mipuite tan lirthei-a kalpawh theih niin Vote thlaka kal turte tan hmunhma tha tak a awm thu te pawh a sawi a. He huna tel te hian Polling Station hmun hi sawn tha tiin thuneitu sang ah thlen leh tur a ni ang.

He hunah hian Polling Station chungchang sawiho zui niin he huna tel te chu rawtna siam duh an nei a nih chuan thehluh theih a nih thu kalkhawm te chu hriattir an ni a, tun thla ni 19 thleng rawtna hi thehluh theih a nih thu tarlan a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man