MLA in Tarpouline leh TT Hall-a phah tur Carpet pe

Serchhip Bial fang mektu bialtu MLA Lalduhoma chuan nimin khan Serchhip-a YMA Branch hrang hrangte hnenah Tarpouline semin Serchhip District Table Tennis Association (SCDTTA) te hnenah Carpet a pe bawk.
Serchhip bialtu MLA hian niminpiah tlai khan Serchhip rawn thlengin nimin zing lamah Unit thenkhat hruaitute nen an inkawm hnuah nimin chhun khan Serchhip-a YMA Branch hrang hrangte hnenah Chhiatni/thatni a hman tur Tarpouline hi a sem a, heng Tarpouline te hi Serchhip Bial chhunga YMA Branch 26 te hnena sem tura ruahman niin nimin khan Serchhip-a Branch 15 te hnenah semchhuah a ni a, Vawiin hian Thenzawl-a YMA Branch 11 bakah Buangpui leh Neihloh Branch YMA te hnenah hlan leh tur a ni ang. Heng Tarpouline te hi MLA Fund atanga sem niin hemi tur bik hian Company-ah siamtir a ni a, a dung ft. 24 leh a vang ft. 18-a hlai a ni.

Nimin vek khan Serchhip bialtu MLA hian Serchhip District Table Tennis Association (SCDTTA) te hnenah Carpet Roll nga (5) a pe bawk a, SCDTTA President Vanlalchanchin-thahrilmawia chuan Serchhip Indoor Stadium-ah TT Hall tha tak an neih thu sawiin, amaherawh chu a chhuat a that tawk loh avanga harsatna an tawh thin thu leh an harsatna te bialtu MLA hnena an thlen hnuah Carpet tha tak a pe chu an lawm hle tih a sawi a ni. Bialtu MLA in SCDTTA te hnena Carpet a pek hi meter 20-a sei, ft. 6 a hlai niin a vaiin Roll nga (5) a pe a, SCDTTA hruaitute chuan heng Carpet te hi cheng nuai thum man vel ni tura ngaih a nih thu an sawi a ni. Bialtu MLA hian nimin khan Thenzawl a pan leh a ni.