Govt. Serchhip College-ah 5G Lab. bun a ni dawn
Govt. Serchhip College-a 5G Lab. hun tur hi nimin khan LENKAWL chuan a hmunah tlawhin thawktu ten an hmalakna leh an thlen chin te an lo hrilh a, Govt. Serchhip College Principal C. Laldintluanga a sawi danin 5G Lab hi NEC Funding hnuaia bun tur niin Assam sawrkar hnuaia awm Assam Electronics Development Corporation Ltd. (AMTRON) ten buaipui thung a, Project 5G Application in North East Region hnuaia kalpui niin AMTRON hi tunhnaia Serchhip-a Health Department te hnenah Portable ECG leh hmanraw dang hlantute kha an ni.
Govt. Serchhip College-a 5G Lab hi Serchhip Bawrhsap Nazuk Kumar IAS hmalakna kaltlanga bun niin he 5G Lab in a tum ber chu College zirlai ten an zirna kawngah hmanraw chang-kang zawk leh zirna bungrua awlsam zawka an hmuh theihna tura puih a ni a, zirlaite hnena Internet Signal chak tak, 5G pekchhuah ngawr ngawr chu a tum nilo in, Internet Technology hmanga zirlaiten an zirlai ah nasa zawka hma an sawn theihna tura puitu tura tih a ni a, zirlaite tana pawimawh em em E-Journal te pawh awlsam zawka an hmuh leh chhiar theihna atan a tangkai dawn thu College a thawktute chuan an sawi a, heng bakah hian College hmasawnna tura pawimawh tam tak pawh a keng tel dawn niin an sawi bawk.
5G Lab. bun nan hian Govt. Serchhip College chuan Academic Building-ah Room pein AMTRON hian a bun hna bakah a mamawh tur hrang hrang Electronic bungrua te leh sum leh pai te an tum a, hun reilote ah peihfela hman theih turin hnathawh mek a ni a, 5G Lab. in a mamawh tur bungrua engemawzat chu a hmun rawn thlen a nih tawh bakah Master Trainer turin College-a thawk Laldinpuia leh David Lalhmingmawia te chu Delhi-ah an training mek bawk a ni.
Comments
Post a Comment