In nghaisakna thleng YMA in an hriatthiam loh thu sawi

Central YMA chuan Manipur-a buaina thleng mekah mihring hlutna zahpah lo leka diriam leh nunrawng taka in nghaisakna a thleng chu an hriatthiam loh thu an sawi. Manipur tualchhung buaina chungchang hi Central YMA hruaitute leh Manipur-a Mizo People Convention hruaituten nimin khan Central YMA Pisa-ah an sawiho a, he buaina hi uluk taka thlir chunga Hnam hrang hrang te inlungrual taka kalpui tul an tih thu leh mimal leh pawl bil anga chet lakna nei lova a tul ang zela inrawnkhawm thin nise an ti a. Nimin a Central YMA-in thuchhuah an siamah chuan tunhnaia Manipur tualchhung buaina chhuakin ni 61 chhung reh lam pan lova a punlun chho zel zawk chu pawi an tih thu an sawi a ni.