Red Cross hmalakna sawiho

Mizoram Governor leh Indian Red Cross Society(IRCS) - Mizoram Chapter-a President Dr. Hari Babu Kambhampati hovin nimin khan IRCS-Mizoram chuan chak zawka kal dan tur an sawiho a, he hunah hian Esther Lal Ruatkimi, Principal Secretary, Health Department chuan PowerPoint presentation hmangin IRCS- Mizoram Chapter lo din a nih dan leh tun thlenga hmalakna te a sawi hmasa a. Dr. Chawnglung-muana, Member Secretary, Adhoc Committee, IRCS-Mizoram Chapter pawhin Mizorama Red Cross hmalakna tlangpui leh Huang zauh theih dan nia a hriat te a sawi bawk. He hunah hian Governor chuan Report atanga a thil hmuh dan te sawiin, Mizoram-ah Red Cross Society chu tangkai zawka kalpui dan ngaihtuah a ngai tih a sawi a. Adhoc Committee ten a rang lamin hma la se, rawtna siam thuai se tha a tih thu a sawi bawk.