Electric Transformer kangchhia

Thenzawl leh a chhehvel chawmtu Electric Transformer lian 2.5MVA chu nimin zing dar 3:30 vel khan chhan hriatloh in a kang a, Serchhip-a Fire Services te hriatttir an nih hnuah nimin zing dar 5:00 vel khan thelhmih a ni. Kangmei chhuak ah hian he Transformer hi kang chhe vekin he Transformer in a chawm ten kawlphetha an hmu thei lo a, Serchhip Power Division-a Sr. EE, Laldawngliana chuan Transformer kang chhia thlakna  tur hian Champhai-a Transformer chu lak dan tur ngaihtuah a nih thu sawiin dan pangngaia eng pek leh theih hun tur erawh hriat a ni lo thung. He Transformer kang ta hi June 9, 2023-a bun niin thla khat pawh hman a nih hmain vanduaina hi a thleng a ni.