Congress party hi ram siamthatna Inpui a ni - Lalsawta

Mizoram Pradesh Congress Committee (MPCC) President Lalsawta chuan Congress Party chu ram siam thatna Inpui a nih thu a sawi.

MPCC in nimin-a Mithar lawmluhna hun Lal Thanhawla Auditorium-a an buatsaih ah MPCC President chuan, “Kan ram dinhmun kan hria a. HIV/Drugs/Eirukna leh thluaka sum lut natna a hluar hle a. Ral atangin heng hi a thlirtu kan ni thei lo. Politics hmanga do let a ngai,” a ti a. “Politics tha lo titute chu mi tha lo te hnuaiah an kun tho ang. Heng mi tha lo te hnuaia kan kun lohna turin mi tha te lo chhuak ula, keini leh chhuan lo la awm zel tur te tan ram tha zawk i din ang u,” a ti. MPCC President chuan Congress Party zawm tharte chuan an kal tumna, an chuanna lam pan tura driver-in motor a khalh loh vanga chhukin an tum ram pan turin, sawrkar tha siam turin an lo kal tih pawh sawiin, an tum ram an pan tur hi Congress party chuan an hlenchhuah sak dawn tih a sawi a. “Congress party hi ram siam thatna Inpui a ni a. Mahni In-a lut in nih avangin in inthlahrung thiang lo. Ram rorelna tha siam turin nangni hi kan sawt pui dawn che u a, kan chakna in ni tih kan hria, ram tha zawk in beisei hi kan thlen pui ang che u,” a ti bawk.

MPCC thuchhuah in a tarlan danin he hunah hian ZPM atangin Political Affairs Committee Member VL. Remruatpuia leh Lalsanglura Ralte bakah Executive Member Lalhmingthanga Sailo bakah Aizawl leh a chhehvel-a mi 170 chuang an lawmlut a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar