AH&Vety Department in building a sak mek tlawh
AH & Vety Department hian East Lungdar leh Khawlailung khua ah Article 275 atanginVety Dispensary leh VFA Quarters te sa mekin East Lungdar-a Vety Dispensary building hi cheng nuai 50 a sak a nih thu thawktute chuan sawiin, tunah hian a building sak hna chu an zawhfel thawkhat tawh thu leh building chhungah erawh chhuar leh hnathawhna atana mamawh siam tur tlem ala awm thu an sawi a. Khawlailung-ah hian cheng nuai 58 sengin Very Dispensary building sak mek niin cheng nuai 27.5 sengin VFA Quarters tur sak mek a ni bawk a, heng building te hi a ban leh beam thlengin sak a ni tawh bawk.
.jpeg)
Heng hmun an tlawhna ah hian thawktute chuan harsatna an neih te lo thlenin Khawlailung khawtlang hruaitute chuan an khua ah AH & Vety Deparrment atangin thawktu VFA pakhat chauh a awm chu mipuite tan harsatna a awm thin thu an lo sawi a. Serchhip DVO chuan tun din-hmunah Serchhip District-a Vety Department in Centre hrang hrang an neih te chu an luahkim tih sawiin, tunhnaiah hmasawnna tam tak an neih thu leh Khawlailung khawtlang in harsatna an lo thlen pawh hi FOCUS lam atanga hmalak dan ngaihtuah tur a nih thu a sawi a ni.
Serchhip DVO leh MJA Member te hi North Vanlaiphai Block Veterinary Officer Dr. MS. Dawngliana leh a thawhpui ten an lo dawng-sawng a, Dr. MS. Dawngliana chuan hetianga DVO leh MJA Member ten an Department hmalakna te an tlawh chu lawmawm an tih thu sawiin, thawhhona tha tak an neih a beisei thu a sawi a. Mipui ten an mamawh hun apainga an dawr theih turin Pisa kai ni apiangin Dispensary hi hawn a nih thu leh Vawk lakluh khapna thupek awm thin VLTF te nen an bawhzui dan te a tarlang bawk a ni.
Comments
Post a Comment