Zorinpui-ah Trade Centre din thuai turin thlen

Mizoram Rajya Sabha MP K.Vanlalvena leh Lok Sabha MP hlui Vanlalzawma te chuan Zirtawpni khan External Affairs Secretary (East) Saurabh Kumar chu Delhi-a a Pisa-ah hmuin KMMTTP Road, Zorinpui to Paletwa inkar motor kawngpui sial lai mek chu lei laih hna pang-ngai (formation cutting) zawh a ni tawh tih report an dawn thu leh motor kawngpui tlang hnuah chauh Border Trade Centre din a nih chuan a building sak chhung te nen hmasawnna a tih khawtlai theih thu an thlen a. Saurabh Kumar chuan kawng tlang ruala Trade Centre peih hman a nih theih nan hmalak thuai a nih tur thu lo hrilhin, KMTTP road laihnaah hian harsatna chi hrang hrang avangin hnathawh chak a harsat thu leh tunah erawh chuan hna a tluan viau tawh thu te a lo sawi a. Bay of Bengal atanga Chhimtuipui lui kaltlanga Mizoram-a bungrua a rawn luh hunah chuan Mizoram mai ni lo hmarchhak State dang te tan pawh chhenfakawm tak a nih a beisei thu a sawi bawk.

Comments

Popular News (Last 30 Days)

LPG man bithliah thar