VC Roll ennawn leh dawn

State Election Commission, Mizoram chuan Mizoram-a Village Council 17-a Seat ruak hnawhkhat tura inthlanna neih tur atan Electoral Roll enfiah hna thawh a nih dawn thu thuchhuah siamin a tarlang a, heng by-election neihna turte hi District 7-a VC 17-ah niin Serchhip District atangin Serchhip Field Veng VC-a Seat ruak pakhat ah by-election hi neih tur a ni ang. Electoral Roll enfiah tur atan hian tun thla ni 26-ah Draft Electoral Roll tarchhuakin June 27 atanga July 11 thleng hming paih, thun leh siamthat dilna thehluh theih a ni anga, July 18-ah Final Roll tarchhuah leh a ni dawn a ni.