UK-a Nurse thawh tumte tan inkawhhmuhna nei

Mizoram Youth Commission (MYC) buatsaihin nimin khan United Kingdom-a Registered Nurse hna thawhna tur a kawng inkawhhmuhna neih a ni.

MYC Youth Centre, Aizawl-a he hun hman hi MYC Chairman Dr. Vanlaltanpuia MLA chuan hmanpuiin MYC leh CHARCOS GLOBAL thawhhona hnuaiah MOCH atangin Mizo nula mi 10 in UK-a Nurse hnathawk tura OET an pass tawh thu sawiin, hun reilote ah UK-ah Register Nurse hlawh tha tak hmuin an thawh mai tur thu a sawi a. Mizo thalai te tan Healthcare Services sector-ah thawh theih a tam thu a sawi bawk.

Nimin-a he hun hman hi RN Queen Elizabeth Hispital London-a thawklai Maruat Mynett hova hman niin UK-a Damdawi In hrang hrangah Nurse te tan hnaruak a tam thu sawiin, tih takmeuh a theihtawp chhuah turin Mizo thalaite a a sawm a, harsatna nei te tan tanpui a inhuam reng thu a sawi bawk. Maruat-i chuan UK-a Nurse hna hi hna nghet a nih avangin Pension te pawh pek vek anih thu a sawi a, Mizo thalaite UK lama Nurse hnathawh tumte chuan amah an biak chuan tlanchhe lova kaldan tur kawng engkim, a tir atanga UK an thlen thlak thlenga a buaipui theih thu leh a inhuam thu a sawi bawk. Kalkhawmte nen hian zawhna leh chhanna hun hman a ni bawk.