Telangana State Day lawm

/

Sawrkar laipui-a Ministry of Home Affairs in State tin-a Raj Bhavan te chu State Day apiangin an awmna State Day ni lo pawh India ram inpum-khatna hmanrua atan a lawmna Programme huai-hawt thin tura hriattirna a pek angin nimin khan Aizawl-a Raj Bhavan Durbar Hall-ah Telangana State Day denchhenin Governor Dr. Hari Babu Kambhampati hovin hun hman a ni a. Telangana State hi June 2, 2014 khan Andhra Pradesh atangin State puitling ni turin a indang tan a ni. Nimin-a he hun hman hi Telangana State mi leh sa Mizorama awm te leh sawm bik te nen hman niin Governor chuan State pakhat in State dangte din champha kan lawm tan a, Telangana State Day lawm hnuah State dang te dincham pawh lawm chhoh zel tura ruahmanna a awm thu a sawi a ni.

Comments

Post a Comment

Popular News (Last 30 Days)

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »

END leh SADS in Heroin man

/
Image
Serchhip-a Excise & Narcotics Department leh Serchhip Sub-Hqrs. YMA Anti-Drug Squad te chuan nimin zing dar 9:30 vel khan Chhiahtlang dai, Lamchhip kawng (Darzika Road) peng-ah Heroin nia hriat Hawng 10 an man a, heng ruih-hlo an man hi gram 119.46-a rit niin a neitu nia hriat Lalchhanhimi (47), Chhiahtlang Hmar Veng nia insawi pawh manin thubuai siam sak nghal a ni. Heng damdawi te hi chawhmeh (thlai rah) karah thuhruk a ni.
Kimchang zawkin »