Serchhip District-ah raltlan 54 rawn lut tawh

Manipur tualchhung buaina thleng avanga sahimna zawnga Serchhip District-a rawn lut chu mi 54 chhinchhiah an ni tawh a, thla hmasa May 26 hnu lamah sahimna zawnga rawn lut hi chhinchhiah belh an awm lo thung.
Serchhip DC Office atanga thu kan dawn danin Manipur State chhunga buaina thleng avanga Serchhip District-a sahimna zawnga rawn raltlan te hi May 2023 chhunga Mizoram-a rawn lut te vek an ni a, an zinga mi 29 te chu puitling niin midang 25 chu naupang an ni thung a, raltlan-a rawn lut zinga upa ber chu kum 82 niin kum 80 chunglam mi pahnih an awm a, a naupang ber chu Thla 10 mi a ni thung. Raltlan rawn lut zinga mi 30 te chu Thenzawl a rawn lut niin an vai hian mi In luahin an khawsa a, Serchhip-a rawn lut mi 20 awmin P&E Veng-a rawn lut mi 4 te chu mi In luahin an awm a, Serchhip Kawnpui South-a lut mi 4 ten chhungte fin in New Serchhip South-a rawn lut mi 9 te pawhin an chhungte an fin a, Darnam Veng-a rawn lut mi pathum te chu Aizawl lamah an insawn leh tawh a. Khawlailung khua ah mi 4 rawn lut bawkin mi In luahin an awm bawk a ni.

Serchhip District-a rawn lut te hian himna zawnga rawn lut an nih thu sawiin, In leh lo hal sak mi pathum an awm a, midang 6 te chuan an chhungte dangin an In leh lo te an veng mek niin an sawi bawk a. Serchhip DC Office atanga thudawn chuan Thenzawl-a Relief Camp chu tun dinhmun ah a ruak mek tih a tarlang bawk a ni.

Comments

  1. I news a bengvarthlak thin hle mai 👍

    ReplyDelete

Post a Comment

Popular News (Last 30 Days)

LPG man bithliah thar