Sainik School hnenah hlan

/

Mizoram Sawrkar ruahman angin Mizoram Police-te .303” Drill Practice (DP) Rifle 50 (sawmnga) chu Sainik School, Chhingchhipa NCC Cadet-te hman atan nimin khan Sainik School, Chhing-chhip hnenah hlan a ni a, he hun hi Mizoram Police-a DIGP (Armed) C. Lalnunmawia chuan kaihruaiin Mizoram DGP Devesh Chandra Srivastva IPS chu khuallian niin DP Rifle-te hi Principal, Sainik School, Chhingchhip hnenah hian a hlan a ni. DP Rifle inhlanchhawnna lehkha ah hian John Neihlaia IPS, IGP (Hqrs.), Mizoram leh Wing Commander Shahul Hameed, Principal, Sainik School, Chhingchhip ten hming an ziah hnan a. Mizoram Police-a IGP, DIGP leh Aizawl chhunga SP chin bakah, Police Headquarters leh MPRO Complex, Aizawl-a Inspector chin chunglam te an tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »